काठमाडौं। जनमत पार्टीबाट विना विभागिय मन्त्रीमा शपथ लिएका अब्दुल खानले आजदेखि खानेपानी मन्त्रालय सम्हाल्ने भएका छन् ।
पार्टीका उपाध्यक्ष तथा प्रवक्ता समेत रहेका खानले विना विभागिय मन्त्रीको रुपमा एक महिना अघि शपथ लिएका थिए ।
प्रचण्ड नेतृत्वको सरकारलाई समर्थन गरेको जनमतलाई उद्योग मन्त्रालय दिने सहमति भएपनि खानेपानी मन्त्रालय दिइएको थियो ।
सहमति विपरित मन्त्रालय दिएको भन्दै खानले खानेपानी मन्त्रालय अस्वीकार गरेका थिए । उद्योग मन्त्रालयको बारेमा प्रचण्ड र अध्यक्ष सिके राउतबीच एक सातादेखि लामो छलफल हुँदै आएपनि सहमति नभएपछि खानले खानेपानी मन्त्रालयकै कार्यभार सम्हाल्ने निर्णय गरेका हुन् ।
