काठमाडौं । नेपाली राष्ट्रिय टिमका फरवार्ड मनिष डाँगी यो सिजनको ए डिभिजन लिगका लागि संकटा क्लबमा आवद्ध भएका छन् । गत वर्ष मच्छिन्द्र क्लबबाट खेलेका मनिष नयाँ सिजनका लागि संकटा क्लबसँग अनुबन्ध भएका हुन् ।
बिहीबार संकटा क्लबले आफ्नो फेसबुक पेजमार्फत मनिषलाई अनुबन्ध गरेको जानकारी गराएको छ । मनिषले २०२१ मा पहिलो पटक राष्ट्रिय टिमबाट खेलेका थिए ।
उनले २०२१ मा भएको नेपाल सुपर लिगमा विराटनगर सिटीबाट खेलेका थिए । त्यस्तै २०२१/२२ को ए डिभिजन लिगमा मच्छिन्द्र क्लबबाट खेलेका थिए ।
