काठमाडाैं । आइतबार सकारात्मक सर्किट लागेको नेप्से परिसूचक सोमबार घटेको छ ।
मौद्रिक नीतिको समीक्षापछिको पहिलो कारोबारको दिन सोमबार १११ अंकभन्दा बढी अंकले बढेको नेप्से सोमबार १५.४० अंक घटेर १९४८.५७ बिन्दुमा झरेको छ । त्यस्तै, सेन्सेटिभ इण्डेक्स ४.३३ अंकले घटेको छ भने फ्लोट इण्डेक्स १.०९ अंक र सेन्सेटिभ फ्लोट इण्डेक्स १.५२ अंकले घटेर कारोबार बन्द भएको छ ।
सोमबार कारोबारमा आएका ३०३ कम्पनीको १ करोड ४६ लाख ९८ हजार कित्ता शेयर ४ अर्ब ८४ करोड २७ लाख रुपैयाँ बराबरको खरिदबिक्री भएको छ । आइतवारको तुलनामा सोमवार कारोबार रकम भने उल्लेख्य बढेको छ । आइतवार ४८ करोड २४ लाख ८२ हजार २३९ रुपैयाँ बराबरको शेयर कारोबार भएको थियो ।
नेप्सेका १३ उपसमूहमध्ये सोमवार ४ उपसमूहको परिसूचक बढेको छ भने ९ उपसमूहको परिसूचक घटेको छ जसमा म्युचुअल फण्ड उपससमूहको परिसूचक २.१६ प्रतिशत बढेको छ भने निर्जीवन बीमा उपसमूहको परिसूचक १.३७ प्रतिशत बढेको छ । तर यता विकास बैंक उपसमूहको परिसूचक २.०९ प्रतिशत घटेको छ ।
सोमवार नेप्से परिसूचक १५ अंकले गिरावट आएपनि तीन कम्पनीको शेयर सकारात्मक सर्किट लेभलमा कारोबार भएको छ । जसमा बोटलर्स नेपाल, सामुदायिक लघुवित्त र डोल्टी पावरको शेयर सकारात्मक सर्किट लेभलमा कारोबार भएको छ । तर यता समता घरेलु लघुवित्तको शेयरमूल्य भने य ७.१५ प्रतिशत घटेको छ । सोमवार सोनापुर मिनरल्स एण्ड आयल कम्पनीको २५ करोड १५ लाख रुपैयाँ बराबरको शेयर कारोबार भएको छ ।
