काठमाडौ / प्रदेशमा नेकपा एमा संसदीय दलको नेतामा लिला गिरी सर्वसम्मत चयन भएका छन्।
आइतबार बसेको संसदीय दलको बैठकले गिरीलाई सर्वसम्मत संसदीय दलको नेतामा चयन गरेको प्रदेश सभा सदस्य भूमिश्वर ढकालले जानकारी दिए। गिरीलाई भावी मुख्यमन्त्रीको रुपमा हेरिएको छ। यस्तै उपनेतामा चेतनारायण आचार्यलाई पनि सर्वसम्मत चयन गरिएको छ। गिरी रुपन्देहीबाट र आचार्य अर्घाखाँचीबाट निर्वाचित प्रदेश सभा सदस्य हुन्। लुम्बिनीमा एमालेका २९ जना सांसद छन्।
७ दलीय नयाँ गठबन्धनका आधारमा यहाँ एमालेले सरकारको नेतृत्व गर्ने बलियो आधार छ। माओवादीको ९ प्रदेश सभा सदस्य छन्। सभामुख र मुख्यमन्त्रीको अवको एक हप्ताभित्र सहमतिमा टुंगो लाग्नेसमेत एमाले नेतासमेत रहेका ढकालले दाबी गरे। ‘अबको एक हप्ताभित्र सभामुख र मुख्यमन्त्रीको टुंगो लाग्छ’, उनले भने, ‘दलहरुको सहमतिको आधारमा यसको निर्णय गरिनेछ।’
