काठमाडौं । बैंक तथा वित्तीय संस्थाहरू विरुद्धको गतिविधिमा बैंकर्स एकजुट भएका छन् । सोमबार मात्र पूर्वी नेपालको इटहरी, सुनसरी, बिर्तामोड, झापा स्थित केही बैंक, वित्तीय तथा लघुवित्त संस्थाहरूको शाखामा केही व्यक्तिहरूले शाखा सञ्चालनमा अवरोध गरेको, कर्मचारीहरूलाई धम्क्याएको र ग्राहकहरूलाई अत्यावश्यक बैंकिङ्ग सेवा लिनबाट वञ्चित गरेको भन्दै बैंकर्सहरुले ज्ञापनपत्र जारी गर्दै विरोध गरेका हुन् ।
‘बैंक तथा वित्तीय संस्था विरुद्ध भए गरेका कुनै पनि अराजक गतिविधिको हामी घोर भर्त्सना गर्छौँ । यस विषयमा सुरक्षा निकायले यथाशीघ्र आवश्यक कदम लिई शाखा सञ्चालन गर्न तथा कर्मचारीरग्राहकको सुरक्षाका लागी माग गर्दछौँ’ नेपाल बैंकर्स संघ, डेभलपमेन्ट बैंकर्स एसोसिएसन नेपाल, नेपाल वित्तीय संस्था संघ र नेपाल लघुवित्त बैंकर्स संघद्वारा संयुक्त जारी विज्ञप्तिमा भनिएको छ ।
ऋण नतिर्ने बहानामा यस प्रकारका अराजक गतिविधि गर्नेहरुलाई तुरुन्तै कारबाहीको दायरामा ल्याई शान्ति÷सुरक्षा कायम गरी अत्यावश्यक सेवा बैंक, वित्तीय तथा लघुवित्त संस्थाहरूको सञ्चालन तथा कर्मचारीहरूलाई आवश्यक सुरक्षा प्रदान गरिदिन समेत बैंकर्सले सरकारसँग माग गरेको छ । अन्यथा, आगामी दिनमा यस प्रकारका कुनै पनि गतिविधिहरू भएको खण्डमा यसका विरुद्ध सशक्त रूपमा प्रस्तुत हुने चेतावनी समेत उनीहरूले दिएका छन् ।
