काठमाडौं । पूर्वी पहाडका जिल्लामा आएको बाढी पहिरोका सन्दर्भमा गृहमन्त्रीको तयारीबारे जानकारी नपाएको भन्दै रास्वपा सांसद मनिष झाले व्यंग्य गरेका छन्।
‘आज पहाड जोखिममा छ भने भोलि तराई र मधेस जोखिममा हुनेछ। तर हामीले गृहमन्त्री र उहाँको तयारीका बारेमा जानकारी पाइराखेका छैनौँ। सायद उहाँ मोर्चा बनाउनमा व्यस्त हुनुहुन्छ,’ उनले भने।
सांसद झाले प्रधानमन्त्री लगायत अरु जिम्मेवार व्यक्तिहरुको पनि उपस्थिति र जानकारी नपाएको भन्दै उनले असन्तुष्टि व्यक्त गरे। आफूहरु जनप्रतिनिधि भएको र जवाफ दिनुपर्ने उनले जनाए ।
उनले भने, ‘तर हामीले प्रश्न सोध्ने कसलाई? जवाफ कहाँबाट अपेक्षा गर्ने? हामी जवाफ चाहन्छौँ। यसका लागि अनुरोध गर्दछौँ।’
