चितवन । चितवन राष्ट्रिय निकुञ्जबाट निस्केको एक गैँडाले आक्रमण गर्दा नजिकैको सामुदायिक वनमा निउरो टिप्न गएका एकजनाको मृत्यु भएको छ ।
जिल्ला प्रहरी कार्यालय चितवनका प्रवक्ता एवं प्रहरी नायब उपरीक्षक विजयराज पण्डितले दिनु भएको जानकारी अनुसार आइतबार साँझ ७ बजेतिर निउरो टिप्न हरियाली मध्यवर्ती सामुदायिक वन क्षेत्रमा गएको बखत गैँडाको आक्रमणमा परुी भरतपुर २५ घर भई भरतपुर २३ धुर्बघाट बस्ने वर्ष ६० को झन्डिल बोटेको मृत्यु भएको हो ।
बसेको स्थान नजिकैको सामुदायिक वनमा गएको बखत गैंडाले आक्रमण गर्दा उनको घटनास्थलमै मृत्यु भएको हो । उक्त स्थानमा इलाका प्रहरी कार्यालय गीतानगरबाट प्रहरी टोली खटिगई मुचुल्कालगायत अन्य अनुसन्धान भइरहेको प्रहरी प्रवक्ता पण्डितले जानकारी दिनुभयो ।
