काठमाडौं । काठमाडाैंकाे प्रदर्शनी मार्गमा रहेकाे रत्न राज्यलक्ष्मी क्याम्पसमा यस बर्षका लागि स्नातक नेपालभाषा विषयमा भर्ना खुलेकाे छ ।
केही बर्ष अघि बन्द भइसकेकाे यस क्याम्पसमा नेपालभाषा अभियान्ताहरुको अथक प्रयासपश्चात स्नातक तहमा नेपालभाषा वि.सं. २०७४ विषय पुनः स्थापना पश्चात अहिलेसम्म निरन्तर रूपमा कक्षा सञ्चालन भइरहेकाे छ ।
त्रिभुवन विश्वविद्यालयका आङ्गिक क्याम्पस रत्न राज्यलक्ष्मी क्याम्पसमा बिहानी सत्रमा स्नातक तह नेपालभाषा विषयमा कक्षा सञ्चालन भइरहेकाेमा यस बर्ष ०८३।०८४ का लागि भर्ना खुलेकाे हाे ।
नेपालको शिक्षा इतिहासमा नेपालभाषाको स्नातकोत्तर तह (एम.ए.) नेपालभाषा विषयमा निरन्तर रूपमा कक्षा सञ्चालन भइरहेकाे छ ।
तथा दिवा समयमा एम. ए. दाेश्राे बर्षकाे कक्षा निरन्तर रूपमा सञ्चालन भइरहेकाे छ ।
अहिले काठमाडौं महानगरपालिका, ललितपुर महानगरपालिका, टोखा नगरपालिकामा कीर्तिपुर नगरपालिका, भक्तपुर नगरपालिकाहरुमा नेपालभाषा अध्यापन भइरहेकाे छ । स्नातक बिए तहमा नेपालभाषा विषयमा राेजगारीसहित उज्वल भविष्य रहेकाले समय मै भर्ना हुन नेपालभाषा अभियान्ताहरूले अनुराेध गरेका छन् ।
उच्च शिक्षा हासिल गर्न चाहानेहरुका लागि स्नातकोत्तर तहको अध्यापन प्रदर्शनीमार्ग स्थित रत्न राज्यलक्ष्मी क्याम्पसमा २०७८ सालदेखि अध्यापन भैरहेको छ। क्याम्पसको तर्फबाट स्नातकोत्तर तहमा अध्यापन गर्ने विद्यार्थीलाई क्षात्रवृत्तिको व्यवस्था गरिएको छ।
विश्वमै सभ्य समुदायको परिचय बोकेको नेपालकाे नेवाः सभ्यता संस्कार, संस्कृति, साहित्य, इतिहास, लिपिवारे जान्नका लागि समयमै नेपालभाषा अध्ययन गर्न नेवाः विध्यार्थी युनियनले अनुराेध गरेका छन् ।
बिहानी सत्रमा स्नातक तहमा नेपालभाषाको अध्यापन रत्न राज्यलक्ष्मी क्याम्पस प्रदर्शनी मार्ग, पघ्म कन्या क्याम्पस बागबजार, पाटन बहुमुखी क्याम्पस पाटन ढोकामा अध्यापन हुँदै आइरहेको छ।
बिए तहमा भर्ना हुन चाहनु हुनेले यी प्रकृया पूरा गर्नुपर्छ
नाेट : क्याम्पस खुलेकाे अवधिभर भर्ना गर्न सकिने छ ।
भर्ना शुल्क सामान्य विषय अध्यनका लागि ८,४०० लाग्छ ।
