काठमाडौं महानगरपालिका-३ गैरीगाउँ डेरा गरी बस्ने धादिङ त्रिपुरा सुन्दरी गाउँपालिका-३ घर भएका ४० वर्षीय विष्णु थापाको कोठाबाट सुनका विभिन्न गरगहना र नगद समेत गरी करिब १४ लाख ८७ हजार रूपैयाँ बराबरको धनमाल मंगलबार दिउँसो चोरी भएको छ ।
मोरङ, बेलबारी नगरपालिका-१० नारायण चोक बस्ने रमेश कार्कीको सुन पसलबाट करिब ६ तोला सुन, करिब २ सय तोला चाँदी लगायतका सरसामान मंगलबार चोरी भएको छ ।
प्रहरीले चोरीमा संलग्न हाल फरार व्यक्तिहरूको खोजी गर्नुका साथै यस सम्बन्धमा आवश्यक अनुसन्धान गरिरहेको छ ।
