यो पनि पढ्नुहोस्
काठमाडौं । सर्लाही क्षेत्र नम्बर–३ मा प्रतिनिधिसभा सदस्यका उम्मेदवार नरेन्द्र साह कलवारलाई लिएर चुनावको अघिल्लो दिन मिडिया ट्रायलको प्रयास भएको छ ।
चुनावको अघिल्लो दिन बुधबार केही मिडियाले उनी माथि कर्जा सूचना केन्द्रको कालोसूचीमा परेको भन्दै समाचार प्रकाशन गरेका थिए । उनकाे खोजमा कर्जा सूचना केन्द्रमा कुनै कालोसूचीमा समावेश नभएको हो । उनलाई केन्द्रले नाम समावेश नभएको प्रमाण नभएको बारे पत्र दिएको छ ।
पत्रमा भनिएको छ,‘ कलवारले कर्जा सूचना केन्द्रमा निवेदन दिई आफ्नो नाम कालोसूचीमा नरहेको प्रमाण माग गरेका थिए। मिति २०८२-०९-२० मा प्राप्त निवेदनको आधारमा केन्द्रले दिएको जवाफमा अनन्त साह कलवारका छोरा, नागरिकता प्रमाणपत्र नं. ३९५६३३४० भएका नरेन्द्र साह कलवार हालसम्म कालोसूचीमा समावेश नभएको जानकारी गराएको उल्लेख छ।
पत्रमा ‘आजको मितिसम्म कालोसूचीमा समावेश नभएको’ स्पष्ट उल्लेख गरिएको छ। उनका विपक्षीहरुले हारको खाने मानसिकताले आफुँमाथि मिडियाबाजी भएको जनाएका छन् । उनले भने,’ कसैको बदनाम गर्ने पनि एउटा सीमा हुन्छ। पुराना शक्तिहरूको अन्त्य हुन्छ भन्ने डरले मिडिया किनेर झुटा, आधारहीन र वाहियात समाचार फैलाउनु अत्यन्तै दुःखद र निन्दनीय कार्य हो।’
उनले भने,’लोकतन्त्रमा स्वस्थ प्रतिस्पर्धा हुनुपर्छ। विचार, योजना र कामको आधारमा जनताको बीचमा जानु नै लोकतान्त्रिक संस्कार हो। तर भ्रम र गलत प्रचारमार्फत जनमतलाई प्रभावित पार्ने प्रयास कदापि स्वीकार्य हुन सक्दैन। सर्लाही क्षेत्र नं. ३ का आदरणीय मतदाताहरू अत्यन्त सचेत र विवेकी हुनुहुन्छ भन्नेमा मलाई पूर्ण विश्वास छ। झुट र भ्रमको राजनीति होइन, सत्य, इमानदारी र विकासको मार्ग रोज्न आग्रह गरेकाे छ :
