यस सेवाले काठमाडौंभित्र पार्सल ढुवानीका लागि व्यक्ति–व्यक्ति र साना तथा मध्यम व्यवसायका लागि सहज र प्रभावकारी समाधान प्रदान गर्छ।
अब याङ्गो एपले राइड–हेलिङ र डेलिभरी दुवै सेवाहरू एकै ठाउँमा उपलब्ध गराउँदै काठमाडौंका बासिन्दा तथा आगन्तुकहरूको दैनिक आवागमन र ढुवानी आवश्यकतालाई सरल बनाएको छ।यस सेवाको सुरुवातसँगै काठमाडौंका प्रयोगकर्ताहरूले अब तीन प्रकारका डेलिभरी विकल्पहरू रोज्न सक्नेछन्।
सहरी जीवनशैली र साना व्यवसायहरूमा छिटो, सजिलो र भरपर्दो ढुवानीको आवश्यकता बढ्दै गएको सन्दर्भमा, यी नयाँ इन–एप विकल्पहरूले व्यक्ति–व्यक्ति ढुवानी गर्ने प्रयोगकर्ताहरू र सहरभरि सामान सार्न चाहने साना तथा मध्यम व्यवसायहरूलाई सहयोग गर्ने उद्देश्य राख्छ।
‘हाम्रो लक्ष्य काठमाडौंमा सामान पठाउने र प्राप्त गर्ने प्रक्रियालाई अझै सहज बनाउनु हो, त्यसका लागि प्रयोगकर्ताहरूले आफ्नो आवश्यकता अनुसार विभिन्न डेलिभरी विकल्पहरू रोज्न सकून् भन्ने सोच राखेका छौँ,’ याङ्गो डेलिभरीका दक्षिण एसियाका क्षेत्रीय प्रमुख मोहम्मद अहसान अकबरले भने।
यस डेलिभरी सुविधा दैनिक प्रयोगका विविध अवस्थाहरूलाई ध्यानमा राखेर तयार गरिएको हो। कागजात र साना पार्सल पठाउनेदेखि मध्यम आकारका सामान र ठूला खरिद सामग्रीहरू ढुवानी गर्नसम्म सकिने छ। नयाँ रूपमा सुरू गरिएको कार्गो विकल्पले ठूलो सवारी आवश्यक पर्ने ढुवानीलाई सहज बनाउँदै काठमाडौंभित्र भारी तथा ठूला सामान ढुवानी गर्न प्रयोगकर्तालाई थप सुविधा प्रदान गर्छ।
याङ्गो डेलिभरीले रुटिङ र ब्याचिङ एल्गोरिदम प्रयोग गरी ढुवानी प्रक्रियाको कार्यक्षमता बढाउँछ। यस प्रविधिले सवारी साधनको अधिकतम उपयोग सुनिश्चित गर्दै ट्राफिक अवस्थाको बाबजुद पनि समयमा डेलिभरी हुने दर सुधार गर्छ। याङ्गो डेलिभरीमार्फत पठाइएका सबै प्याकेजहरू लाइभ–ट्रयाकिङ टुल मार्फत ट्रयाक गर्न सकिन्छ, जसले सेवा साझेदार कुरियर र उपभोक्ता दुवैका लागि पारदर्शिता सुनिश्चित गर्छ।
यस सेवाले आफ्नै सवारी वा कुरियर सञ्चालन गर्दैन। यसको मुख्य उद्देश्य स्थानीय नेपाली यातायात कम्पनीहरूलाई डिजिटल सहयोग प्रदान गर्नु र अन्तिम माइल कनेक्टिभिटीमा प्रविधिमार्फत उनीहरूको कार्यक्षमता सुधार गर्नु हो।
याङ्गोले आफ्ना साझेदारहरूलाई राइड–हेलिङ र डेलिभरी दुवै क्षेत्रमा सेवा विविधीकरण गर्न सहयोग गर्दै साझेदार चालकहरूका लागि आम्दानीका थप अवसरहरू सिर्जना गर्न मद्दत गर्ने भएकाे छ। याङ्गो डेलिभरीको लक्ष्य काठमाडौंमा द्रुत डेलिभरी सेवाको पहुँच बढाउँदै दैनिक आवश्यकताका लागि सहज, भरपर्दो र विश्वसनीय विकल्प प्रदान गर्नु हो।
