काठमाडाैं । स्वतन्त्र पत्रकार संघ जिल्ला शाखा भक्तपुरको अध्यक्षमा अन्नपूर्णकर्मी रेणु त्वानाबासु निर्वाचित भएकी छन् ।
संघको बुधबार भक्तपुरमा भएको सातौ वार्षिक साधारण सभा तथा पाँचो अधिवेशनले त्वानाबासुको नेतृत्वमा सात सदस्यीय नयाँ कार्यसमिति निर्वाचित भएको हो ।
संघको उपाध्यक्षमा मणिराम लामिछाने, सचिवमा विकुराम तजले, सहसचिवमा राजन कार्की, कोषाध्यक्षमा प्रेमध्वज मोक्तान निर्वाचित भए । सदस्यहरूमा राजाराम नापित र सुनिल दुवाल निर्वाचित भए । यसअघि साधारण सभा तथा अधिवेशनको उद्घाटन स्वतन्त्र पत्रकार संघ नेपालका केन्द्रीय अध्यक्ष कृष्णप्रसाद बास्तोलाले गरेका थिए ।
कार्यक्रममा संघका ललितपुर जिल्ला अध्यक्ष उपेश नौवाग, भक्तपुरका निवर्तमान अध्यक्ष सुरेश सैंजू, पोखराका पूर्व अध्यक्ष कृष्ण रानाभाट, भक्तपुरका सल्लाहकार कृष्ण किसीले शुभकामना मन्तव्य व्यक्त गरेका थिए ।
