काठमाडाैं । लोकनारायण सुबेदी संयोजक रहेकाे नेपाल कम्युनिष्ट पार्टीले साेमबार साँझ मसाल जुलुशको क्रममा पक्राउ गरेकोमा त्यसको घोर बिरोध गरेकाे छ ।
नेपाल कम्युनिष्ट पार्टी शान्तिपूर्ण आन्दोलन गर्न पाउने नेपाली जनताले लडेर ल्याएको संबिधान प्रदत्त अधिकारलाई कुल्चदै बर्तमान सुशिला कार्की सरकारले निर्वाचन बहिष्कारको शान्तिपूर्ण आन्दोलन चलाईरहेका क्रान्तिकारी कम्युनिष्ट पार्टी नेपाल, नेकपा(बहुमत)बैज्ञानिक समाजबादी कम्युनिष्ट पार्टी,नेकपा(जनपक्ष) समाजबादी कम्युनिष्ट पार्टी नेपाल लगायत दलका नेता कार्यकर्तालाई हिजो साँझ मसाल जुलुशको क्रममा पक्राउ गरेकोमा त्यसको घोर बिरोध गर्दछ र पक्राउ परेका सबै नेता कार्यकर्ताहरुलाई तत्काल रिहा गर्न जोडदार माग गर्दछ ।
निर्बाचनमा सहभागी हुने वा बहिष्कार गर्ने कुनै पनि राजनीतिक दल वा ब्यक्ति समेतको राजनीतिक अधिकारको कुरा हो । दलीय ब्यवस्थामा त्यस्ता दुबै प्रबृत्तिको सम्मान गर्नु राजनीतिक र सबैधानिक दायित्व हो । परिस्थिति र आवश्यकता अनुसार कम्युनिष्ट क्रान्तिकारीहरुले ती आन्दोलनका औजारहरु(सहभागी हुने वा बहिष्कार गर्ने)को प्रयोग गर्न पनि सक्दछन् र त्यसको औचित्य साबित भए नभएको मूल्यांकन गर्दै अघि बढ्छन् ।
हाम्रो पार्टीले पनि बर्तमान धान्नै नसकिने खर्चिलो चुनाव प्रणाली, सरकारको संदिग्ध संरचना र बढ्दो बाह्य हस्तक्षेपसमेतको अमान्य स्थितिमा चुनाबले कुनै सार्थक अग्रगामी निकास दिन नसक्ने निष्र्कशकासाथ यसमा सहभागी नहुने निर्णयमा पुगेको छ । मूख्य कुरा निर्वाचनमा सहभागी या बहिष्कारको आन्दोलनले देश र जनताको हितमा के कस्ता मुद्दाहरु उठाएका छन् भन्ने कुरा नै हो । सामान्यतः जन आन्दोलनको उभार आएका बेला बहिष्कार र जन आन्दोलन मन्द गतिमा रहेको बेला सहभागिता बढी प्रभावकारी रहन्छ भन्ने मान्यता छ । बिगतमा र अहिले पनि यस्ता प्रयोगहरु नेपालमा हुँदै आएका छन् । त्यसलाई अन्यथा मानेर आफुलाई लोकतान्त्रिक राज्य ब्यवस्थाको हिमायती मान्ने र ठान्ने कुनै पनि सरकारले दमनमा उत्रिनु, धरपकड गर्नु जन अधिकार, नागरिक स्वतन्त्रा र दलीय स्वाधिनताका बिरुद्ध हुन जान्छ भन्ने कुरा समेत नेपाल कम्युनिष्ट पार्टी जोडदाररुपमा औंल्याउँदछ ।
