काठमाडौं । सिराहा, गोलबजार नगरपालिका-६ दुर्गामन्दिरस्थित राजदेवी कपास उद्योगमा आइतबार दिउँसो आगलागी हुँदा करिब १० लाख रूपैयाँ बराबरको धनमाल जलेर नष्ट भएको छ ।
बाँके, नरैनापुर गाउँपालिका-३ जन्तापुर बस्ने छागुर खाँ, ताज महम्मद र कुदरक अलीको घर तथा इनुस बेहनाको गोठमा आइतबार दिउँसो आगलागी हुँदा करिब ८ लाख रूपैयाँ बराबरको धनमाल जलेर नष्ट भएको छ ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
