काठमाडौँ । सर्वोच्च अदालतका न्यायाधीशलाई बारम्बार धम्की दिएको आरोपमा प्रहरीले राजकुमार तिमल्सिनालाई पक्राउ गरेको छ ।
उनलाई पोखराबाट पक्राउ गरिएको उपत्यका अपराध अनुसन्धान कार्यालयका एक जना अधिकृतले रातोपाटीलाई बताए ।
सिधाकुरा डटकमलाई फेक अडियो उपलब्ध गराएको आरोपमा यसअघि तिमल्सिनालाई अदालतले ६ महिना कैद सजाय हुने फैसला गरेको थियो ।
सो अडियोका कारण ‘डार्क फाइल’ कार्यक्रम विवादमा परेको थियो । तिमल्सिना जेनजी प्रदर्शन हुँदा गत भदौ २४ मा कारागार कार्यालय डिल्लीबजारबाट भागेका थिए । उनी फरार कैदी हुन् ।
पछिल्लो समय उनले सर्वोच्चका न्यायाधीशलाई बारम्बार धम्क्याएको आरोप छ । उनलाई पोखराबाट काठमाडौँ ल्याइँदै छ ।
