काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले नयाँ भनिएका दलहरूमा प्रधानमन्त्रीको दलाली सुरु भइसकेको आरोप लगाएका छन् ।
बुधबार राप्रपा नेपालसँगको एकता घोषणा सभालाई सम्बोधन गर्ने क्रममा उनले यस्तो आरोप लगाएका हुन् ।
अघिल्लो दिनसम्म एक अर्कामाथि गाली गरिरहेका पार्टी के कारणले जोडिएको भन्ने नै थाहा नभएको उनको भनाइ थियो ।
सो क्रममा उनले स्पष्ट विचार बोकेको पार्टी राप्रपा मात्रै रहेको जिकिर गरे । ‘सिद्धान्त के हो ? विचार के हो ? स्पष्ट छैन,’ लिङ्देनले अघि भनेका छन्, ‘यस्तो बेलामा विचारले सुस्पष्ट, अविचलित पार्टी राप्रपा बाहेक को छ ?’
