काठमाडौं । उर्जा मन्त्री कुलमान घिसिङ संरक्षक रहेको उज्यालो नेपाल पार्टी र जनार्दन शर्मा संरक्षक रहेको प्रगतिशील लोकतान्त्रिक पार्टीबीच एकताका लागि गृहकार्य भइरहेको छ। राष्ट्रिय स्वतन्त्र पार्टी (रास्वपा)का सभापति रवि लामिछाने र काठमाडौँका मेयर बालेन्द्र साह (बालेन) बीच आइतबार बिहान सहमति भएको थियो ।
यसअघि विभिन्न चिरणमा छलफल भए पनि लामिछाने र साहबीच सहमति हुँदा घिसिङ अलग भएका थिए । उनीहरूसँग सहमति हुन नकेस पनि घिसिङले प्रगतिशील पार्टीसँग एकताका लागि गृहकार्य तालिका हुन् । दुवै दलको कार्यदलबीच छलफल चलिरहेको गृहकार्यमा सहभागी प्रगतिशील पार्टीका अध्यक्ष परिषदका सदस्य सन्तोष परियारले बताए। ‘सल्लाह हुँदै छ ।
टुंगोमा पुगिसकेको छैन, हामी छलफलमै छौँ,’ परियारले भने। अध्यक्ष परिषद्का अर्का सदस्य सुदन किरातीले रवि र बालेनले कुलमानलाई छुटाएपछि प्रगतिशील र उज्यालोबीच एकताका लागि छलफल भइरहेको जनाए । ‘रवि-बालेनजीले कुलमानजीलाई रेलमा छुटाउनुभयो । अब हामी विचारको हिसाबले पनि नजिक भएकाले सहकार्य तयारी भइरहेको छ,’ किरातीले भने। प्रगतिशील लोकतान्त्रिक पार्टीको संरक्षकमा पूर्वमन्त्री शर्मासँगै डा. बाबुराम भट्टराई छन्। उज्यालो नेपाल पार्टीको संरक्षकमा घिसिङ छन्।
