काठमाडौँ । राष्ट्रिय स्वतन्त्र पार्टी (रास्वपा) का उपसभापति डा.स्वर्णिम वाग्लेले आफूले पार्टी छोड्ने भन्दै गलत हल्ला चलाइएको जनाएका छन् ।
सोमबार पार्टी कार्यलय परिसरमा पत्रकारहरुसँग कुरा गरर्दै उपसभापति वाग्लेले रास्वपाको बढ्दो चर्चा र उचाई देखेर डराएकाहरुले पार्टी छोड्ने गलत हल्ला चलाएको जनाए ।
‘रास्वपा वैकल्पिक राजनीतिको मियो भएको र फागुुन २१ को निर्वाचनबाट पहिलो दल बन्ने उद्घोषबाट डराएर गलत हल्ला चलाइएको छ,’ उपसभापति वाग्लेले भने, ‘रास्वपालाई कमजोर बनाउन खोजिएको मिथ्या हल्ला हो । यो कुरा कसैले पत्याउँछन् जस्तो मलाई लाग्दैन् ।’
रास्वपालाई देशको पहिलो शक्ति बनाउने, देशको मुहार फेर्ने र राजनीतिको नेतृत्वदायी भूमिकामा दुुई कार्यकाल मात्रै निभाएर आफू बाहिरीने योजना पनि डा. वाग्लेले सुुनाए ।
रास्वपा छोडेपछि राजनीतिबाट पनि आफूअलग हुने भन्दै वाग्लेले त्यसपछि आफूलाई तनहुँ वा गोरखाको खेतबारीमा कृषकका रुपमा जनताले देख्ने जनाए ।
