काठमाडौं । नेपाल प्रिमियर लिग (एनपीएल) अन्तर्गतको खेलमा पोखरा एभेन्जर्सविरुद्ध सुदूरपश्चिम रोयल्सका ओपनर जोश ब्राउन र बिनोद भण्डारीले उत्कृष्ट ब्याटिङ गरिरहेका छन् ।
यी दुवैले शतकीय साझेदारी पूरा गरेका छन् । खेल १० ओभरको पहिलो बलमा पुग्दा उनीहरुले शतकीय साझेदारी पूरा गरेका हुन् । यस साझेदारीमा ब्राउनले अर्धशतक प्रहार गरेका छन् । उनी जारी सिजनमा अठौं अर्धशतक प्रहार गर्ने खेलाडी बनेका छन् । त्रिवि अन्तर्राष्ट्रिय क्रिकेट रङ्गशालामा टस हारेर पहिला ब्याटिङको निम्तो पाएको सुदूरपश्चिमको विकेट लिन पोखराका बलरहरुलाई हम्मेहम्मे परेको छ । सामान्य चुनौती पाउनका लागि पोखरा संघर्षरत छ ।
