काठमाण्डौ । नेपाल कम्युिनष्ट पार्टी र नेपाल कम्युनिष्ट पार्टीका बीच यही मंसीर १ गते सम्वाद डबली अनामनगरमा एकीकरणको घोषणा भयो । दुइ पार्टी बीच सम्पन्न भएको एकता कार्यक्रमको अध्यक्षता नेपाल कम्युनिष्ट पार्टीका संयोजक लोक नारायण सुबेदीले गर्नु भएको थियो भने प्रमुख बक्ता नेपाल कम्युनिष्ट पार्टी (माक्र्सबादी)का अध्यक्ष् अम्बिका थैब हुनु हुन्थ्यो । नेकपाका सचिवालय सदस्य नारायण शर्माले सञ्चालन गर्नु भएको सो कार्यक्रममा पार्टीका सविचालय सदस्य लक्ष्मण उप्रतिले दुइ पार्टीको एकताको आधारपत्र र एकीकृत भएका कमरेडहरुको नामावली बाचन गरेर सुनाउनु भएको थियोे । कार्यक्रममा स्वागत मन्तब्य नेकपा(माक्र्सबादी)का महासचिव युवराज नास्तिकले दिनु भएको थियो भने धन्यबाद ज्ञापन नेपाल कम्युनिष्ट पार्टीका सचिवालय सदस्य शरणबिक्रम मल्लले गर्नु भएको थियो ।
कार्यक्रममा पुराना कम्युनिष्ट नेता टंक पोखरेल, अर्का स्वतन्त्र कम्युनिष्ट नेता छबिलाल घिमिरे क्रान्तिकारी नेपाल कम्युनिष्ट पार्टीका पोलिट बयूरो सदस्य दिनेश शर्मा, नेकपा(माक्र्सबादी पुष्पलाल)का बरिष्ठ नेता अच्यूतराज ज्ञवाली, समाजबादी कम्युनिष्ट पार्टी स्थाई समितिका सदस्य माधव गौतम, नेपाल कम्युनिष्ट पार्टी केन्द्र संयोजन मण्लकी नेतृृ इन्दिरा अधिकारी,नागरिक अभियन्ताहरु टेकबहादुर बिश्वकर्मा र कुमार श्रेष्ठ सबैले क्रान्तिकारी एकताप्रति सारगर्भित शुभकामना मनतब्य दिनु हुँदै क्रान्तिकारी कम्युनिष्टहरुको एकताले सही दिशा र गति लिएर अघि बढन सकोस् भन्ने भावना ब्यक्त गर्नु भएको थियो । बक्ता सबैले बर्तमान देशको परिस्थितितमा एकतामा सर्बाधिक जोड दिदै सकेसम्म पार्टीगत नभए मोर्चागत र कार्यगत एकता हुनै पर्नेमा सहमति जनाउनु भएको थियो ।
एकता घोषणा कार्यक्रमा दुइ पार्टी गत साता कार्तिक २२ र २३ गते भएको केन्द्रिय समितिका बेग्ला बेग्लै बैठकले पार्टी एकता गर्ने लगायतका महत्वपूर्ण निर्णयहरु गर्नुकासाथै देश र जनताका बिभिन्न महत्वपूर्ण मागहरु अघि सादै आन्दोलन गर्ने समेत निर्णय गरेका छन् । दुबै बैठकका निर्णयलाई साझा निर्णय मानेका छन् ।
