काठमाडौं । राष्ट्रिय जेन्जी युवा एकता मञ्चले प्रत्यक्ष कार्यकारी प्रधानमन्त्री, प्रदेश खारेजदेखि भ्रष्टाचारका फाईल तत्काल खोल्न वर्तमान सरकारसँग माग गरेको छ । आइतबार राजधानीको संवाद डबलीमा मञ्चले पत्रकार सम्मेलनको आयोजना गरी जेन्जीको मर्म अनुसार सरकारले काम अगाडी नबढाए आन्दोलन् गर्ने चेतावनीसमेत दिएको छ ।
मञ्चका संयोजक इन्द्र बहादुर शाहले वर्तमान सरकारले आफूहरुको भावना विपरित भ्रष्टाचारीहरुको संरक्षण गरेको भन्दै उनिहरुलाई तत्काल कारवाहि गर्नुपर्ने माग राखे । शाहले जेन्जी विद्रोहको मुख्य माग नै कुशासन र भ्रष्टाचार निर्मुल पा र्ने भएको बताउँदै भने,“तत्काल २०४ ६पछिका सबै उच्च पदस्त नेता तथा कर्माचारीको फाईल खोलेर जेल कोच्नुपर्छ, नत्र हामी पुनः सडकमा उत्रन बाध्य हुनेछौं ।”
जीवन बुढाले जेन्जीलाई ताकिताकी गोली हान्न आदेश दिने तत्कालिन प्रधानमन्त्री केपी ओली, गृहमन्त्री रमेश लेखक र सिडियोलाई पक्रेरर तत्काल कारबाही गर्न माग गरे ।
जेन्जी बिरेन्द्र शाहीले हुम्लाबाट पनि प्रतिनिधित्व गर्ने घाईते जेन्जीहरुलाई सरकार र सम्बन्धित पक्षले वास्ता नगरेकोप्रति आक्रोश व्यक्त गरे ।
जेन्जी हर्कबहादुर बुढाले वर्तमान सरकारले जेन्जीको मर्म अनुसार काम नगर्ने हो भने तत्काल राजीनामा दिनुपर्ने धारणा राखे ।
