काठमाडौं । ऊर्जामन्त्री कुलमान घिसिङको संरक्षणमा रहेको उज्यालो नेपाल पार्टीको केन्द्रीय सदस्यमा वातावरण विज्ञ डा सागर ढकाल केन्द्रीय सदस्य बनेका छन्।
ढकालले वातावरण विज्ञानमा विषयमा पीएचडी गरेका व्यक्ति हुन्।
उनी हिमाली क्षेत्रका दुर्लभ वनस्पतीका विषयका जानकार हुन्। उनले ऊर्जा मन्त्रालयमा पनि विज्ञ सदस्यको रुपमा काम गरिसकेका छन्।
यसैक्रममा उनी कुलमानसँग जोडिएका थिए। उनको स्थायी ठेगाना स्याङ्जा हो।
धेरैले उनलाई यसअघि डडेलधुरामा नेपाली कांग्रेसका सभापति शेरबहादुर देउवासँग चुनाव लडेका सागर ढकाल भन्दै प्रचार गरेका थिए।
यो पार्टीले पूर्वऊर्जा सचिव अनुपकुमार उपाध्यायको संयोजकत्वमा आज निर्वाचन आयोगमा विवरण अध्यावधिक गरेको छ। अध्यावधिक विवरणमा कुलमानको नाम नभए पनि उनकै संरक्षणमा यो दल आयोगमा पुगेको हो।
कुलमान भने फागुनमा हुने निर्वाचनअघि मात्रै दलमा सक्रिय हुने बताइएको छ।
