काठमाडौं । नवगठित नेपाली कम्युनिस्ट पार्टीका नेता नारायणकाजी श्रेष्ठले सोमबार मधेस प्रदेशमा भएको घटनालाई लोकतान्त्रिक अभ्यासमाथिको अपमान भनेका छन् ।
श्रेष्ठले सोमबार मधेस प्रदेश प्रदेश प्रमुख सुमित्रा सुवेदी भण्डारीले नेकपा एमाले संसदीय दलका नेता सरोजकुमार यादवलाई बर्दिबासस्थित पानस होटलबाटै मुख्यमन्त्री बनाएको प्रसंगमा उनले यस्तो जनाएका हुन्।
प्रदेश प्रमुख भण्डारीमार्फत पानस होटेलमा मुख्यमन्त्रीका रुपमा यादवलाई शपथ गराइनु राजनीतिक नैतिकतामाथिको ठूलो प्रहार भनेर श्रेष्ठले ब्याख्या गरेका छन् । ‘यसले स्पष्ट गर्छ कि राजनीतिक पार्टी र नेताहरू यत्रो जेन-जी विद्रोहपछि पनि चेतेका छैनन्’, उनले भने ।
श्रेष्ठले जेन-जी विद्रोहले राजनीतिक पार्टी र नेताहरूको शुद्धिकरण र रूपान्तरणलाई प्रमुख मुद्दा बनाएको स्मरण गराउँदै अहिले देखिएको प्रवृत्ति त्यही चेतनाको प्रतिकूल भएको जनाए ।
