चितवन । खैरहनी नगरपालिका-८ चैनपुर चोकस्थित सडकमा मधेश प्रदेश ०३-००२ ख ०७९९ नम्बरको कन्टेनरले बा.प्र.०६-००५ प ७७६८ नम्बरको मोटरसाइकललाई गए राति ठक्कर दिँदा मोटरसाइकल चालक राप्ती नगरपालिका-७ बस्ने १९ वर्षीय श्रीराम कंडेल र मोटरसाइकलमा सवार सोही नगरपालिका-५ बस्ने २० वर्षीया बिमला तामाङको मृत्यु भएको छ । दुर्घटनामा गम्भीर घाइते भएका उनीहरूको पुरानो मेडिकल कलेज भरतपुरमा उपचारको क्रममा मृत्यु भएको हो । कन्टेनर चालकलाई प्रहरीले नियन्त्रणमा लिएको छ ।
मकवानपुर, हेटौंडा उपमहानगरपालिका-९ माष्टरचोकस्थित सडकमा बा.प्र.०३-००१ ख २६५६ नम्बरको बसको ठक्करबाट पैदलयात्री रूपन्देही देवदह नगरपालिका-८ बस्ने ३७ वर्षीय राम बहादुर बोहराको शनिबार राति मृत्यु भएको छ । दुर्घटनामा गम्भीर घाइते भएका उनको हेटौंडा अस्पताल मकवानपुरमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ ।
कैलाली, घोडाघोडी नगरपालिका-२ टनकपुरस्थित सडकमा लु.२ च २३५८ नम्बरको जिपको ठक्करबाट साइकलयात्री बर्दगोरीया गाउँपालिका-६ कोटा तुलसीपुर बस्ने ५५ वर्षीय शंकर डगौराको आइतबार बिहान मृत्यु भएको छ । ठक्करबाट गम्भीर घाइते भएका उनको घोडाघोडी अस्पताल सुखडमा उपचारको क्रममा मृत्यु भएको हो । साथै ठक्करबाट घाइते भएका अन्य २ जना साइकलयात्रीहरूको निसर्ग अस्पताल धनगढीमा उपचार भइरहेको छ भने १ जना पैदलयात्रीको मायामेट्रो अस्पताल धनगढीमा उपचार भइरहेको छ । जिप चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
