काठमाडौं । राष्ट्रिय स्वतन्त्र पार्टीले जेन-जी आन्दोलन शासकीय अनैतिकता र असक्षमताको परिणाम रहेको जनाएको छ । उसले यो आन्दोलन अप्रत्याशित र आश्चर्यजनक दुवै नभएको टिप्पणी समेत गरेको छ ।
रास्वपाले ढिँडो चाँडो यस्तो हुनसक्ने भन्ने आशंका गरेको उल्लेख गर्दै रास्वपाले सरकारलाई निरन्तर सचेत गराएको तर दम्भ र घमन्ड देखाउँदै गएपछि नागरिकमा रहेको आक्रोश चुनिँदै विस्फोट भएको उल्लेख गरेको छ ।
जेन-जी आन्दोलन हुनुको पाँच सारसंक्षेप तयार पार्दै रास्वपाले दलीय सिन्डिकेट राज्यदहन र भ्रष्टाचार कुशासनका कारण यस्तो घटना घटेको उल्लेख गरेको छ ।
‘भदौ २३ गतेको जेन-जी आन्दोलन र २४ गतेको विध्वंसात्मक घटनापछि राष्ट्रिय राजनीति फरक मोडमा आएको छ तर यो मोड अप्रत्याशित र आश्चर्यजनक दुवै होइन किनकि ढिलो चाँडो यस्तो हुन सक्छ भन्ने आशंका थियो ।’ प्रतिवेदनमा भनिएको छ, ‘हामीले पनि निरन्तर सचेत गराउँदै आएका थियौँ संसदीय अङ्कगणितको बलमा शासकीय अहङ्कार दम्भ चुलिँदै गयो भने नागरिकमा चुलिँदै गएको आक्रोश विस्फोट हुन्छ।’
‘यत्रो अकल्पनीय घटनापछि पनि तत्कालीन सरकार नेतृत्व दलले सत्य स्विकार्नुको साटो आन्दोलनको भावना र म्यान्डेट बाहिर गएर गतिविधि गरिरहेको छ ।’ प्रतिवेदनमा भनिएको छ ‘केही सहायक कारण घटनालाई समातेर वा अतिरञ्जित गरेर केही दल नेता आन्दोलनको खास कारण र सत्यको विषयान्तर गर्ने उद्धृत छन् । यो प्रविधि निरन्तर आगामी दिनका लागि घातक हुन सक्छ।’
