काठमाडौं । बर्दिया, गेरूवा गाउँपालिका-२ पाताभारस्थित सडकमा अनटेष्ट लेखिएको धान काट्ने कम्पाईनको ठक्करबाट साइकलयात्री सोही ठाउँ बस्ने ७१ वर्षीय तारा सिंह हमालको बुधबार दिउँसो मृत्यु भएको छ । दुर्घटना गम्भीर घाइते भएका उनको प्राथामिक स्वास्थ्य चौकी राजापुरमा उपचारको क्रममा मृत्यु भएको हो । कम्पाईन चालकलाई प्रहरीले नियन्त्रणमा लिएको छ ।
बझाङ, थलारा गाउँपालिका-२ काँडास्थित सडकमा सु.प.प्र.०१-००२ त ५७२४ नम्बरको ट्याक्टर अनियन्त्रित भई बुधबार बेलुकी दुर्घटना हुँदा ट्याक्टरमा सवार सोही गाउँपालिका-२ बस्ने ६० वर्षीय पमले खाती र ६२ वर्षीय जसे खातीको घटनास्थलमै मृत्यु भएको छ । साथै दुर्घटनामा घाइते भएका ट्याक्टर चालकलाई थप उपचारको लागि धनगढीतर्फ पठाइएको छ ।
रूपन्देही, ओमसतिया गाउँपालिका-४ बसन्तपुरस्थित सडकमा लु. ३२ प १९४६ नम्बरको मोटरसाइकललाई लु.१ ज ३८८३ नम्बरको बलेरो पिकअपले ठक्कर दिई बुधबार दिउँसो दुर्घटना हुँदा मोटरसाइकल चालक मायादेवी गाउँपालिका-३ गुण्डा बस्ने २७ वर्षीय आकाश थारूको मृत्यु भएको छ । दुर्घटनमा गम्भीर घाइते भएका उनको मेडिकल कलेज भैरहवामा उपचारको क्रममा मृत्यु भएको हो । बलेरो चालकलाई प्रहरीले नियन्त्रणमा लिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
