पोखरा । पोखरामा ३ वटा स्कुटर चोरी गरेको आरोपमा ५ जना पक्राउ परेका छन् । कास्की प्रहरीले स्कुटरसहित उनीहरूलाई पक्राउ गरेको हो ।
पक्राउ पर्नेमा पोखरा ३३ का २१ वर्षीय शेरबहादुर पुन, पोखरा ५ का २५ वर्षीय अजय नेपाली, पोखरा १० का २९ वर्षीय सुशील गुरुङ, पोखरा ११ का २० वर्षीय सुदिप परियार र पोखरा १३ बस्ने २७ वर्षका रोशन परियार छन् ।
उनीहरूका साथबाट ग १ प ८७६९, ग १५ प ५२३७ र ग ४ प ७६८४ नम्बरको स्कुटर बरामद भएको छ । पक्राउ परेकाहरूलाई चोरी सम्बन्धी मुद्दामा म्याद थपेर अनुसन्धान थालिएको कास्की प्रहरीका प्रवक्ता डीएसपी हरिबहादुर बस्नेतले जानकारी दिए ।
