काठमाडौं । सरकारले जेनजी आन्दोलनमा भएको दमन र भोलिपल्टको आगजनीबारे जाँचबुझ गर्न गठन भएको आयोगको सचिवालयको नेतृत्व फेरबदल गरेको छ ।
गौरीबहादुर कार्की नेतृत्वको आयोगको सचिवालयमा गृह मन्त्रालयका सहसचिव गोगनबहादुर हमालले नेतृत्व गरेका थिए । अहिले उनको ठाउँमा प्रकाश पौडेललाई सरुवा गरिएको हो ।
सरकारले हमाललाई बर्दियाको प्रमुख जिल्ला अधिकारी बनाएर सरुवा गरेको छ भने बाराका प्रमुख जिल्ला अधिकारी पौडेललाई आयोगको सचिवालयको नेतृत्व गर्नेगरी जिम्मेवारी तोकेको हो ।
जाँचबुझ आयोगको सचिवालयमा सरकारले एकजना सहसचिव, एक उपसचिव काजका लागि खटाएको छ । जाँचबुझमा सहयोग गर्न प्रहरी र सरकारी वकिल समूहका कर्मचारीहरू पनि खटिएका छन् ।
