धनकुटा । रूपन्देही, मायादेवी गाउँपालिका-७ घागरा पुलस्थित सडकमा लु.१ ख ८७१८ नम्बरको बसले लुम्बिनी प्रदेश ०१-००२ प ९८०२ नम्बरको मोटरसाइकललाई बुधबार दिउँसो ठक्कर दिँदा मोटरसाइकल मर्चवारी गाउँपालिका-१ बस्ने ६३ वर्षीय देबेन्द्र नाथ यादवको मृत्यु भएको छ । दुर्घटनामा गम्भीर घाइते भएका उनको भिम अस्पताल भैरहवामा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ ।
सुनसरी, इटहरी उपमहानगरपालिका-९ स्थित सडकमा को.२ च ८६३ नम्बरको स्कार्पियोको ठक्करबाट पैदलयात्री विराटनगर महानगरपालिका-१२ घर भएका ४० वर्षीय अचुत प्रसाद बरालको बुधबार दिउँसो मृत्यु भएको छ । ठक्करबाट गम्भीर घाइते भएका उनको विपी कोईराला स्वास्थ्य बिज्ञान प्रतिष्ठान घोपा धरानमा उपचारको क्रममा मृत्यु भएको हो । स्कार्पियो चालकलाई प्रहरीले नियन्त्रणमा लिएको छ ।
अर्घाखाँची, छत्रदेव गाउँपालिका-१ चिदिकास्थित सडकमा लु.५८ प ७९७८ नम्बरको मोटरसाइकल र लु.३३ प ६५४४ नम्बरको मोटरसाइकल एकआपसमा ठक्कर खाई बुधबार साँझ दुर्घटना हुँदा लु.५८ प ७९७८ नम्बरको मोटरसाइकल चालक पाणिनी गाउँपालिका-५ बस्ने २१ वर्षीय तारा वेल्वासे र लु.३३ प ६५४४ नम्बरको मोटरसाइकल चालक गुल्मी छत्रकोट गाउँपालिका-६ दौवा बस्ने ३५ वर्षीय सुमन सुनार रहेका छन् । दुर्घटनामा गम्भीर घाइते भएका उनीहरूको जिल्ला अस्पताल सन्धिखर्कमा उपचारको क्रममा मृत्यु भएको हो । साथै दुर्घटनामा घाइते भएका दुवै मोटरसाइकलमा सवार २ जनालाई थप उपचारको लागि बुटवलतर्फ रिफर गरिएको छ ।
दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
