तेल अभिभ । मंगलबार साँझ हमासले इजरायल फर्काएका चार मृत बन्धकमध्ये तीन जनाको नाम सार्वजनिक गरिएको छ । बन्धक तथा बेपत्ता परिवार मञ्चले जारी गरेको विज्ञप्ति अनुसार तामिर निम्रोदी, इटान लेवी र उरियल बारुचका परिवारले मृतकको अवशेष पहिचान भएको पुष्टि गरेका छन् । इजरायलमा सारिएको चौथो शवको नाम सार्वजनिक गरिएको छैन ।
हमासले अझै फिर्ता नगरेका २० जना बन्धकहरूको अवशेषलाई लिएर हमास र इजरायली सरकारमाथि दबाब बढ्दै गएको छ । फिर्तामा ढिलाइले युद्धविरामको भविष्यमा अनिश्चितता ल्याउन सक्छ भन्ने चिन्ता प्यालेस्टिनीहरूमा पनि बढ्दै गएका छन् ।
हमासले सबै २८ मृत बन्धकहरूको शव फिर्ता नगरेसम्म इजरायलले गाजामा सहायता प्रतिबन्धित गर्ने र रफाह क्रसिङ पुनः खोल्न ढिलाइ गर्ने चेतावनी दिएपछि मंगलबार राति पछिल्लो फिर्ती आएको हो । यसैबिच, अमेरिकी राष्ट्रपति डोनाल्ड ट्रम्प र इजरायली प्रधानमन्त्री बेन्जामिन नेतान्याहू दुवैले हमासलाई हतियार त्याग्न दबाब दिएका छन् । प्यालेस्टिनी राज्य स्थापना नभएसम्म हतियार नत्याग्ने अडानमा हमास पहिले देखि नै थियो ।
