कठमाडौं । मकवानपुर, बकैया गाउँपालिका-५ तिनतले बस्ने सेराव घिसिङको घरमा विद्युत सर्ट भई शनिबार साँझ आगलागी हुँदा करिब २६ लाख २८ हजार रूपैयाँ बराबरको धनमाल जलेर नष्ट भएको छ ।
बारा, महागढीमाई नगरपालिका-१ बरियारपुर मठवा टोल बस्ने ३५ वर्षीय मोतिलाल कुशवाहाको ओम गार्मेन्टमा गए राति आगलागी हुँदा करिब २६ लाख ५० हजार रूपैयाँ बराबरको धनमाल जलेर नष्ट भएको छ ।
पर्सा, पकाहा मैनपुर गाउँपालिका-१ धोरे बस्ने धुपनाथ राउतको गोठमा विद्युत सर्ट भई गए राति आगलागी हुँदा करिब १ लाख ८६ हजार रूपैयाँ बराबरको धनमाल जलेर नष्ट भएको छ ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
