बाँके । खजुरा गाउँपालिका-२ ए गाउँस्थित सडकमा भे.२ त १४०० नम्बरको ट्याक्टरले भे.१३ प ४४०९ नम्बरको स्कुटरलाई मंगलबार दिउँसो ठक्कर दिँदा स्कुटर चालक सोही गाउँपालिका-२ गौघाट बस्ने ४८ वर्षीय सोबिन्द्र सिंह ठकुरीको मृत्यु भएको छ ।
ठक्करबाट गम्भीर घाइते भएका उनको सञ्जीवनी कलेज अफ मेडिकल साईन्सेज अस्पताल नेपालगंजमा उपचारको क्रममा मृत्यु भएको हो । साथै दुर्घटनामा घाइते भएका स्कुटरमा सवार १ जनाको सोही अस्पतालमा उपचार भइरहेको छ ।
प्रहरीले हाल फरार ट्याक्टर चालकको खोजी गर्नुका साथै दुर्घटनाका सम्बन्धमा आवश्यक अनुसन्धान गरिरहेको छ ।
