काठमाडौं । ८ सेप्टेम्बर र त्यसपछि भिसा सकिएका पर्यटकले त्रिभुवन अन्तर्राष्ट्रिय विमानस्थलबाट नि:शुल्क भिसा नवीकरण गर्न सक्ने भएका छन् ।
नेपाल पर्यटन बोर्डले पर्यटकका लागि अपडेट सार्वजनिक गर्दै यस्तो जानकारी गराएको हो । बोर्डका अनुसार त्रिभुवन विमानस्थलबाट प्रस्थानका बेला पर्यटकले भिसा नवीकरण गरी आफ्नो मुलुक फर्कन सक्ने गरी निर्णय भएको छ ।
बुधबारदेखि त्रिभुवन अन्तर्राष्ट्रिय विमानस्थल खुला भएको छ । आज राष्ट्रिय तथा अन्तर्राष्ट्रिय उडान सामान्य भइरहेको त्रिभुवन विमानस्थल कार्यालयले जनाएको छ ।
नेपाली सेनाले हवाई टिकटका आधारमा यात्रुलाई आवतजावतको व्यवस्था गरेको छ ।
