एजेन्सी । ओपन एआइले बिहीबारदेखि जीपीटी-५ नामक नयाँ संस्करण सार्वजनिक गरेको छ। जुन यसको एआइ आधारित च्याट जीपीटीको ठुलो सुधार हो।
यसले स्वास्थ्य सम्बन्धी प्रश्न, लेख्न, र कोड निर्माण लगायतका कार्यहरूमा अझ उन्नत क्षमता प्रदान गर्ने जनाइएको छ। तर, हालसम्म यसले मानव-स्तरको बुद्धिमत्ता (एजीआइ) प्राप्त नगरेको ओपन एआइले स्पष्ट पारेको छ।
सबै च्याट जीपीटी प्रयोगकर्ताहरूले जीपीटी- ५ प्रयोग गर्न सक्ने छन्। तर केवल २०० डलरप्रति महिना तिरेर प्रो सदस्यता प्राप्त गरेका प्रयोगकर्ताहरूले मात्र अनलिमिटेड पहुँच पाउने छन्। अन्य प्रयोगकर्ताहरूलाई सीमित मात्रामा प्रश्न गर्न अनुमति हुनेछ।सीमितताबाट बाहिर गएपछि पुरानो मोडेलमा फर्किने जनाइएको छ।
जीपीटी-५ ले ‘स्टेप बाइ स्टेप रिजनीङ’प्रदान गर्ने क्षमता राख्दछ। उदाहरणका लागि जटिल प्रश्नहरूमा उत्तर दिने क्रममा प्रश्नलाई भाग-भागमा विश्लेषण गरेर बुझाउन सक्छ। यसलाई धेरैले ‘पीएचडी स्तरको विशेषज्ञ जस्तो’ अनुभव भएको बताएका छन्। जसले व्यावसायिक कार्यहरूमा दक्षता दिने अपेक्षा गरिएको छ।
कोड निर्माण र वेबसाइट निर्माण क्षमता
लकडाउनको रूपमा छोटो निर्देशन मात्र दिएको भरमा जीपीटी- ५ ले स्वतः एउटा फ्रेन्च भाषा सिकाउने वेबसाइट बनाइदियो, जसमा शब्द खेल, दैनिक शब्दावली परीक्षण जस्ता फिचरहरू पनि थिए। यो ‘सफ्टवेर अन डिमान्ड’को अवधारणाको प्रारम्भ हुने अपेक्षा गरिएको छ।
जीपीटी-५ ले प्रतिक्रिया दिने क्रममा गलत उत्तर दिने मात्रा समेत कटौती गरिएको छ। र अत्याधिक मैत्रीपूर्ण वा असन्तुलित सराहनामा पनि कमी आएको छ। नीक टर्ली (च्याट जीपीटी प्रमुख)ले जीपीटी‑ ५ लाई ‘उत्कृष्ट स्वाद’ ले भरिपूर्ण लेखन क्षमता भएको दाबी गरेका छन्।
साथै प्रयोगकर्ताहरू अब च्याट जीपीटीलाई आफ्ना गुगल क्यालेन्डर र ईमेलसँग जोड्न सक्नेछन्। जसले टाइमटेबलको आधारमा कार्यहरू सुझाव गर्न मद्दत गर्दछ। ओपन एआइका अधिकारीहरूले जीपीटी‑५ ले ‘मानिस जस्तै महसुस हुने’ अनुभव दिने बताएका छन्।
भावनात्मक वा मानसिक रूपमा असहज अवस्थामा भएका प्रयोगकर्ताहरूसँग कस्तो व्यवहार गर्ने भन्नेमा सुधार गर्न चिकित्सकहरूसँग अन्तर्राष्ट्रिय स्तरमा समेत जीपीटी-५ ले सहकार्य गरिरहेको छ।
यसले सुरक्षित र जिम्मेवार एआइ अनुभव प्रदान गर्ने दिशामा उल्लेख्य काम गर्ने विश्वास गरिएको छ।
