काठमाडौं । काठमाडौं महानगरपालिकाका नगरप्रहरी प्रमुख राजु पाण्डे निलम्बनमा परेका छन्।
प्रमुख प्रशासकीय अधिकृत सरोज गुराईंलाई कार्यालय प्रवेशमा अवरोध गरेपछि उनीसँग प्रष्टिकरण सोधिएको थियो। उनको प्रष्टिकरण चित्त बुझ्दो नभएको पाइएपछि निलम्बन गरिएको महानगर स्रोतले जानकारी दियो।
नगर प्रवक्ता नविन महर्जनले भने आफू समक्ष औपचारिक रुपमा जानकारी आइ नपुगेको जनाए। महानगर प्रहरी कानुन अनुसार नगर प्रहरी प्रमुख प्रमुख प्रशासकीय अधिकृतप्रति जवाफदेही हुनुपर्ने भए पनि उनले गुरागाईंलाई पदीय जिम्मेवारी विपरीत कार्यालय प्रवेशमा अवरोध गरेका थिए।
