काठमाडौं । प्रधानमन्त्री केपी शर्मा ओलीले विपक्षी दलका नेता पुष्पकल दाहाल ‘प्रचण्ड’लाई फाेन गरेर सदनकाे अवराेध खाेल्न अनुराेध गरेका छन्।
प्रचण्डले गृहमन्त्री रमेश लेखकले राजीनामा नदिएसम्म सदनकाे अवराेध खाेल्न नसक्ने जवाफ दिएकाे सांसद माधव सापकोटाले जानकारी दिए।
भिजिट भिसा प्रकरणमा गृहमन्त्री रमेश लेखकको नाम मुछिएपछि उनले राजीनामा दिई निष्पक्ष छानविन गर्न माग गर्दै प्रतिपक्षी दलका सांसदहरूले मंगलबारदेखि सदन अवरोध गरिरहेका छन्।
गृहमन्त्रीले राजीनामा नदिएसम्म नखुलाउने निर्णय प्रतिपक्षीले गरेका छन् भने सत्तारुढ दलका दुई ठूला नेता ओली र कांग्रेस सभापति देउवाले भने गृहमन्त्री लेखकलाई राजीनामा नगराउने निर्णय गरेका छन्।
आज लेखकसहित बालुवाटारमा बसेको बैठकले सो निर्णय गरेको हो।
