काठमाडौं । गुल्मी, रेसुङ्गा नगरपालिका-६ स्थित सडकमा सिमाघाटबाट तम्घासतर्फ आउँदै गरेको लु.९७ प ७४७९ नम्बरको मोटरसाइकल अनियन्त्रित भई सोमबार बिहान दुर्घटना हुँदा चालक 2 दाङ गढवा गाउँपालिका-३ गोबडिया घर भएका २७ वर्षीय निशान चौधरीको घटनास्थलमै मृत्यु भएको छ ।
मोरङ, रंगेली नगरपालिका-८ दर्वेसा टोलस्थित सडकमा कानेपोखरीबाट रंगेलीतर्फ आउँदै गरेको को.१ ख २१०३ नम्बरको बसको ठक्करबाट सोही नगरपालिका-७ निचामारी बस्ने दिलीप मण्डलकी छोरी १३ वर्षीया मिरा मण्डलको सोमबार दिउँसो मृत्यु भएको छ । ठक्करबाट गम्भीर घाइते भएकी उनको रंगेली अस्पतालमा उपचारको क्रममा मृत्यु भएको हो ।
बस चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
