काठमाडौं । सिराहा, लक्ष्मीपुर पतारी गाउँपालिका-१ स्थित सडकमा पतारी बजारबाट रामपुरतर्फ जाँदै गरेको प्रदेश.२-०१-००१ त १७५३ नम्बरको ट्याक्टरको ठक्करबाट सोही गाउँपालिका-१ बस्ने होरिल मण्डलको छोरा ३ वर्षीय युनिक कुमार मण्डलको बुधबार बिहान मृत्यु भएको छ ।
ठक्करबाट गम्भीर घाइते भएका उनको प्रादेशिक अस्पताल लहानमा उपचारको क्रममा मृत्यु भएको हो । ट्याक्टर चालकलाई प्रहरीले नियन्त्रणमा लिएको छ ।
बाँके, राप्तीसोनारी गाउँपालिका-१ सौरीस्थित सडकमा बा.प्र.०१-०६ ख ३५९३ नम्बरको बसले भे.९ प ६४२८ नम्बरको मोटरसाइकललाई बुधबार बिहान ठक्कर दिँदा मोटरसाइकलमा सवार सोही गाउँपालिका-९ बस्ने ३२ वर्षीय सुदिप सुबेदीको घट्नास्थलमै मृत्यु भएको छ । साथै दुर्घटनामा घाइते भएका मोटरसाइकल चालकलाई उपचारको लागि 3 मेडिकल कलेज कोहलपुरतर्फ पठाइएको छ । बस चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
