काठमाडौं । सल्यान, बनगाड कुपिण्डे नगरपालिका-२ स्याँलास्थित भेरी नदीमा सोही नगरपालिका- २ बामे बस्ने ७० वर्षीया देवी बुढा सोमबार मृत अवस्थामा फेला परेकी छिन् ।
धादिङ, धुनिबेशी नगरपालिका-६ चालिसेस्थित शहिद बैकुण्ठ रेग्मी पार्कमा हाल नाम, थर, वतन नखुलेका अन्दाजी ५० वर्षीय पुरूष सोमबार मृत अवस्थामा फेला परेका छन् ।
धनुषा, गणेशमान चारनाथ नगरपालिका-१ तिनतले बस्ने ६६ वर्षीय गोपाल परियार सोही ठाउँस्थित चुरे जंगलको साफी खोल्सामा सोमबार मृत अवस्थामा फेला परेका छन् । सुनसरी, इटहरी उपमहानगरपालिका-१५ एकम्बा बस्ने ८३ वर्षीया मुगा माया गुरूङ सोही ठाउँस्थित पोखरीमा सोमबार मृत अवस्थामा फेला परेकी छिन् । यस सम्बन्धमा प्रहरीले आवश्यक अनुसन्धान गरिरहेको छ ।
