काठमाडौं । काभ्रे, बेथानचोक गाउँपालिका-४ डाँडागाउँ बस्ने रामकृष्ण श्रेष्ठको गोठमा विद्युत सर्ट भई सोमबार राति आगलागी हुँदा करिब १२ लाख रूपैयाँ बराबरको धनमाल जलेर नष्ट भएको छ ।
मकवानपुर, मकवानपुरगढी गाउँपालिका-४ ज्वालादेवी मगर टोल बस्ने सोकुमार कार्कीको गोठमा सोमबार राति आगलागी हुँदा गोठ पूर्णरूपमा जलेर करिब १ लाख ५० हजार रूपैयाँ बराबरको धनमाल नष्ट भएको छ ।
कैलाली, धनगढी उपमहानगरपालिका-१५ शान्ति कटान बस्ने देउसरा सार्कीको गोठमा मंगलबार बिहान आगलागी हुँदा गोठ पूर्णरूपमा जलेर करिब १ लाख ३७ हजार रूपैयाँ बराबरको धनमाल नष्ट भएको छ । प्रहरीले स्थानीय बासिन्दाको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
