काठमाडौं । त्रिवि स्वतन्त्र विद्यार्थी युनियनको निर्वाचन ३८ वटा आंगिक क्याम्पसमा सम्पन्न भएको छ ।
त्रिवि, केन्द्रीय अनुगमन तथा समन्वय समितिका सदस्य सचिव प्राध्यापक पशुपति अधिकारीका अनुसार ६४ मध्ये ३८ वटा आंगिक क्याम्पसमा चुनाव सम्पन्न जानकारी गराए ।
आज बिहान ८ बजेदेखि ४ बजेसम्म मतदानको समय सीमा तोकिएको थियो । निर्वाचन अधिकृतहरूका अनुसार मतदानका लागि भित्र छिरेकाले भने भोट हाल्न पाउने छन् ।
आज दुई वटा क्याम्पसमा चुनाव रोकिएको छ । मतदान सुरु भएर पनि पाटन संयुक्त क्याम्पस र पृथ्वीनारायण क्याम्पसमा रोकिएको छ ।
अधिकारीले जनाए अनुसार पृथ्वीनारायणमा भोलि मतदान हुने सहमति भएको छ ।
पाटनमा सहमतिको प्रयास भइरहेको छ । त्रिविका ६४ वटा अंगिक क्याम्पस छन् । ‘३८ वटामा आज भएको छ । नभएका क्याम्पसमा सहमतिको प्रयास जारी छ । १५ दिनभित्रसम्म चुनाव गराउने योजना छ,’ अधिकारीले भने ।
त्रिविका १ हजार ५३ वटा सम्बन्धन प्राप्त क्याम्पस छन् । सम्बन्धन प्राप्त कतिवटा क्याम्पसमा चुनाव भयो यसबारे विवरण संकलन भइरहेको त्रिविले जनाएको छ ।
