विराटनगर । विराटनगरको महेन्द्र मोरङ आदर्श बहुमुखी क्याम्पसमा नेविसङ्घका दुई गुटबिच झडप भएको छ। देउवा समूह र शेखर कोइराला समूहका विद्यार्थीबीच झडप हुँदा २ जना घाइते भएका छन् ।
घाइते हुनेमा नेविसंघका मोरङ जिल्ला सभापति सरोज पोखरेल र सदस्य आयुष दाहाल रहेका छन् । उनीहरुको नोबेल अस्पतालमा उपचार भइरहेको छ। घाइते हुनेहरु डा शेखर कोइराला पक्षधर हुन् ।
स्ववियु निर्वाचन नजिकिँदै गरेका कारण बिहिबार बिहानदेखि नै उनीहरु क्याम्पसमा क्याम्पस इकाइ गठन गर्न पुगेका थिए । निर्वाचनलाई लिएर पछिल्ला केही दिनयता २ पक्षबीच विवाद भइरहेको थियो । विवादकै बिच बिहिबार भागबण्डा नमिल्दा उनीहरुमाथि कुटपिट भएको जनाइएको छ ।
उनीहरुमाथि क्याम्पसका स्ववियु सभापति जसवन्त पौडेल नेतृत्वको टिमले कुटपिट गरेको आरोप छ । उनीहरुले हातहतियारसहित कुटपिटमा उत्रिएको कोइराला पक्षको आरोप छ ।
प्रहरीले घटनाको विषयमा अनुसन्धान भइरहेको जनाएको छ।
