काठमाडौं । सानिमा म्युचुअल फण्ड अन्तर्गत ‘सानिमा फ्लेक्सी फण्ड’को आईपीओ खुला भएको छ । खुलामुदी योजना रहेको मंगलबारदेखि उक्त आईपीओका लागि आवेदन दिन सकिने भएको हो ।
उक्त आईपीओका लागि आजदेखि फागुन ११ गतेसम्म आवेदन आह्वान हुनेछ । इच्छुक व्यक्तिले न्यूनतम एक हजार रुपैयाँदेखि चार करोड रुपैयाँसम्म सीआश्वा प्रणाली वा मेरो शेयर एप्लिकेसनमार्फत लगानी गर्नसक्ने व्यवस्था गरिएको क्यापिटलले जनाएको छ ।
उक्त इकाइमध्ये कोष प्रबन्धक सानिमा बैंक लिमिटेडले १ करोड ३० लाख कित्ता र कोष व्यवस्थापक सानिमा क्यापिटलले २० लाख कित्ता राख्नेछ । दुवै गरी कुल स्वीकृत इकाइको १५ प्रतिशत दुई संस्थाले खरिद गर्नेछन् । बाँकी २ करोड ५० लाख इकाई सर्वसाधारणलाई बिक्री गरिने जनाइएको छ । बाँकी ६ करोड इकाई अरू चरणमा बिक्री गर्ने योजना छ ।
यस योजना खुलामुखी प्रकृतिको भएकाले यसका इकाइहरू धितोपत्र बजारमा सूचीकरण हुँदैनन् । सामूहिक लगानी कोष नियमावली बमोजिम इकाई योजना व्यवस्थापक वा तोकिको वितरकमार्फत् निरन्तर खरिद बिक्रीको लागि खुल्ला हुनेछ । यसका लागि भौतिक तथा अनलाइन खरिदबिक्रीको व्यवस्था समेत गरिएको जनाइएको छ ।
सानिमा बैँकको पूर्ण स्वामित्वमा रही ९ वर्षदेखि सञ्चालनमा रहेको व्यवस्थापक सानिमा क्यापिटल लिमिटेड पुँजी बजारमा दक्ष व्यवस्थापक मानिन्छ । क्यापिटलकै व्यवस्थापनमा सानिमा इक्विटी फण्डले आफ्नो ७ वर्ष समयावधि पूरा भई परिपक्व भइसकेको छ । अहिले निष्कासन हुन लागेको इकाइको वार्षिक औसत प्रतिफल १७.५ प्रतिशत रहने अनुमान गरिएको छ ।
