काठमाडौं । नागरिक बचाउन महाअभियानले बिहिबार सिन्धुलिको दुधैलिमा विशाल आमसभा गरेको छ । आमसभालाई महाअभियानका संयोजक तथा मेडिकल व्यवसायी दुर्गा प्रसाईले संम्बोधन गरेका छन् ।
प्रसाईले नेपालमा हिन्दुराज्य आवश्यक र यसका लागि आफुले आज उठाइरहेको धारण राखेका छन् । उनले नेपालको अर्थतन्त्र अहिलेको राजनीतिक अवस्थाका कारण नाजुक बनेको समेत आरोप लगाए । ‘देशमा क वर्गका बैंक डुब्ने अवस्थामा पुगेका छन् । त्यही भएर तपाईहरु बैंकबाट सचेत हुनुहोस । दुर्गा प्रसाई जनताका लागि लडेको व्यक्ति हो । त्यही भएर जनतासँगै रहने र कसैले तसाउँदैमा भाग्दिन ।’ उनले भने ।
नेपालको सुन्दर रुप भनेको हिन्दु राज्य हो । त्यही भएर नेपालीहरुले अब हिन्दुका लागि एक पटक लड्नुपर्ने धारण राखेका थिए । हिन्दुत्वले विकासलाई जोड दिन्छ । त्यही भएर नेपालमा विश्वका सबै नागरिक हिन्दु राज्य हो भनेर घुम्न आउने गरि विकास गर्नुपर्ने बनाउन सबैलाई आग्रह उनको आग्रह छ ।
सिन्धुलीको दुधैलिममा भएको सभामा कम्तिमा ४० हजार सर्वसाधारण भेला भएको आयोजनकले जनाएको छ । प्रसाईनिकट नेताका अनुसार दुधौलिमा ४० हजारभन्दा बढी जनता भेला भएका छन् । उनीहरुले देशमा राजनीतिक दलबाट वाक्क भएको समेत भन्दै नारा लगाएका थिए ।
प्रसाईका अनुुसार पछिल्लो समय जनताको झुकाव हिन्दु राष्ट्रमा छ । सडकमा ‘राजा आउ देश बचाउ’ को बाक्लै नारा लाग्ने थालेको छ । यो सामान्य विषय होइन । नेपालमा स्वतस्फूर्त तरुपमा हिन्दु राज्यको नारा लगाउँदै जनता सडकमा निस्किन थालेको प्रसाईको दाबी छ ।
अब जनता हिन्दुराष्ट्र र राज्यका पक्षमा एक पटक लड्नुपर्ने उनको माग छ । सामाजिक सञ्जाल नियमन नभई नागरिकको बोल्न पाउने संवैधानिक हक नै नियन्त्रण र प्रेसको व्यावसायिक दायरा संकुचित सरकारले गर्न खोजेको उनको आरोप छ ।
राजतन्त्रमा जनताले आफना विचार र विरोध स्वतन्त्रपुर्वक राख्न पाउने अधिकारी थियो । अहिले लोकतन्त्रमा त्यसमा अंकुश लगाउन प्रधानमन्त्री केपी ओली र कांग्रेस लागि परेको देखिन्छ ।
लघुवित्त आंतक, बैंकको समस्या, आर्थिक संकटका कारण आत्महत्या गर्नुपर्ने अवस्था, बैंक तथा वित्तीय संस्थाको चर्को व्याजको अन्त्य हुनुपर्ने लगायतका एजेण्डा प्रसाईका छन् । यीनै एजेण्डालाई अहिले जनताले रुचाएका छन् ।
देशका लागि जनताभन्दा ठुलो कोही नभएको प्रसाईको दाबी छ । लोकतन्त्रका नाममा जनतामाथि लुटतन्त्र भइरहेको छ । यो पिडामा जनता कहिलेसम्म बस्ने हो भनेर आफुले महाअभियान थालेको पनि प्रसाईले प्रष्ट पारेका थिए ।
