काठमाडौँ / नेकपा मालेका महासचिव सिपी मैनालीले नेकपा एमाले र नेपाली कांग्रेसको सत्ता समीकरण भत्काउन बाह्य शक्ति लागेको बताएका छन्।
शनिबार काठमाडौँमा आयोजित एक कार्यक्रमलाई सम्बोधन गर्दै उनले एमाले र कांग्रेस मिलेको खण्डमा ०८४ सम्मै सरकार अघि बढ्ने भए पनि बाह्य शक्ति सरकार भत्काउन लागेको बताएका हुन्।
उनले अहिलेको सरकार भत्काउनका लागि बाह्य शक्तिलाई कतिपय देशभित्रका शक्तिहरुले पनि साथ दिइरहेको बताए। उनले बाह्य शक्ति, अन्तरविरोध र दलाल पुँजीवाद, सामन्तवादी प्रवृत्तिको अन्त्य गर्न जरुरी रहेको बताए।
उनले भने, ‘बाह्य शक्ति यिनीहरुलाई मिल्न नदिने भनेर लागिरहेको छ। देशभित्रका कतिपयले पनि त्यो बाह्य शक्तिको कुरामा च्याखे लगाइरहेका छन्। त्यसले गर्दा यति संख्याले बहुमत नै भए पनि सरकार ढल्न कुनै आइतबार लाग्दैन। किनभने बाह्य शक्ति अहिले हाबी छ।’
