काठमाडौं । काठमाडौंको कालीमाटीमा रहेको स्वर्णलक्ष्मी सहकारीको रकम अपचलनका प्रतिवादी नेपाल प्रहरीका पूर्वडीआईजी छविलाल जोशी अदालतमा उपस्थित भएका छन् । थुनछेक बहसका लागि जोशी आइतबार काठमाडौं जिल्ला अदालतमा उपस्थित भएका हुन् ।
जोशीको बयान तथा थुनछेक बहस न्यायाधीश ठाकुरप्रसाद खरेलको इजलासमा हुने भएको छ ।
गोर्खा मिडिया नेटवर्कका तत्कालीन सञ्चालक रहेका जोशीविरुद्ध सहकारीको रकम अपचलन आरोपमा काठमाडौंको स्वर्णलक्ष्मी सहकारीको रकम अपचलन आरोपमा काठमाडौं जिल्ला अदालतमा मुद्दा दायर भएको थियो । जोशी कास्कीको सुर्यदर्शन सहकारीको रकम अपलचन प्रकरणमा ८८ लाख धरौटी बुझाएर रिहा भएका थिए ।
