काठमाडौं । विधायन व्यवस्थापन समितिको आइतबारको बैठकले मंसिर २६ गते मधेश प्रदेशमा जाने निर्णय गरेको छ ।
आइतबार सिंहदरबारमा बसेको बैठकमा समिति सभापति तुलसा कुमारी दाहालले २६ गते मधेश प्रदेशको कार्यक्रममा संघीयता सबलिकरणको विषयमा छलफल गरिने बताएकी हुन् ।
उनले भनिन्, ‘हामी मंसिर २६ गते मधेश प्रदेशमा जाने छौं । जहाँ मधेश प्रदेशको कार्यक्रममा संघीयता सबलिकरणको विषयमा छलफल गरिने छ । अरु विषयमा हामी आन्तरिक छलफल गर्नेछौं । २६ गते ६ जना मान्यज्युहरु मधेश प्रदेशमा जाने छन् ।’
साथै बैठकले आउँदो शनिबार १८ औँ संसद सेवा दिवसको अन्तरक्रिया मनाउने समेत निर्णय गरेको छ । NNB
