काठमाडौं । काठमाडौं महानगरपालिका-३२ जडिबुटीस्थित सडकमा रोकी राखेको बा.४ ख ६१८२ नम्बरको टिपरमा प्र.३-०२-००४ प ०२०५ नम्बरको मोटरसाइकल ठक्कर खाई शनिबार राति दुर्घटना हुँदा मोटरसाइकल चालक पर्सा वीरगंज महानगरपालिका-१४ मुरलीवगैंचा घर भई काठमाडौं काँडाघारी हात्तिडाँडा बस्ने ४५ वर्षीय संजय सिंहको मृत्यु भएको छ । दुर्घटनामा गम्भीर घाइते भएका उनको राष्ट्रिय ट्रमा सेन्टर महांकालमा उपचारको क्रममा मृत्यु भएको हो ।
हाल फरार टिपर चालकको प्रहरीले खोजी गरिरहेको छ । रसुवा, गोसाईकुण्ड गाउँपालिका-५ हाकुबेशीस्थित सडकमा हाकुबेशी ड्यामसाईडबाट हाकुबेशीतर्फ आउँदै गरेको बा.प्र.०२-०११ प ४६०७ नम्बरको मोटरसाइकल अनियन्त्रित भई शनिबार दिउँसो दुर्घटना हुँदा चालक आमाछोदिङ्मो 4 गाउँपालिका-१ हाकुबेशी घर भएका २० वर्षीय राम बहादुर तामाङको मृत्यु भएको छ ।
दुर्घटनामा गम्भीर घाइते भएका उनको उपचारको लागी अस्पतालतर्फ लैजाने क्रममा बाटोमै मृत्यु भएको हो । चितवन, राप्ती नगरपालिका-५ खहरे पुलस्थित सडकमा काँकडभित्ताबाट चितवनतर्फ आउँदै गरेको प्र.१-०१-००१ ख ४१३८ नम्बरको बसको ठक्करबाट पैदलयात्री राप्ती नगरपालिका-६ बस्ने ६२ वर्षीय मनुराम महतोको शनिबार राति मृत्यु भएको छ ।
ठक्करबाट गम्भीर घाइते भएका उनको भरतपुर सरकारी अस्पतालमा उपचारको क्रममा मृत्यु भएको हो । बस चालकलाई प्रहरीले नियन्त्रणमा लिएको छ । कैलाली, लम्कीचुहा नगरपालिका-१ स्थित सडकमा सु.प.प्र.०१-०११ प ४७०४ नम्बरको मोटरसाइकल अनियन्त्रित भई शनिबार राति दुर्घटना हुँदा चालक जानकी गाउँपालिका-१ बस्ने ३५ वर्षीय बिमल डंगौरा थारूको मृत्यु भएको छ ।
दुर्घटनामा गम्भीर घाइते भएका उनको लालरत्न अस्पताल लम्कीमा उपचारको क्रममा मृत्यु भएको हो । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
