काठमाडौं । धनकुटा, शहिदभूमी गाउँपालिका-७ भण्डारी टोल बस्ने दल बहादुर बिष्टको गोठमा मंगलबार बिहान आगलागी हुँदा गोठमा रहेको अन्नपात, भाँडावर्तन, लत्ताकपडा, काठपात जलेर करिब ४ लाख रूपैयाँ बराबरको धनमाल नष्ट भएको छ ।
सप्तरी, महादेवा गाउँपालिका-१ अगाडी टोल बस्ने ५१ रामचन्द्र मोचीको गोठमा मंगलबार दिउँसो लागेको आगो फैलिएर सोही ठाउँ बस्ने ७१ वर्षीय पुलकित मोची र ५२ वर्षीय योगेन्द्र मरवैताको घरगोठमा समेत आगलागी हुँदा तीनै जनाको गरी करिब ५ लाख ७९ हजार रूपैयाँ बराबरको धनमाल जलेर नष्ट भएको छ ।
धनुषा, बटेश्वर गाउँपालिका-३ कटानी बस्ने राम कुमार महतोको घरमा मंगलबार राति आगलागी हुँदा घर, घरमा रहेको किराना पसलको र्याक, काउण्टर र किराना सामानहरू जलेर करिब २० लाख रूपैयाँ बराबरको धनमाल नष्ट भएको छ । प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
