काठमाडौं । नेकपा (एकीकृत समाजवादी)का अध्यक्ष माधवकुमार नेपालले राम्रो सरकार भए हिम्मतका साथ अघि बढ्ने जनाएका छन् । काठमाडौंमा बिहीबार नेवा: राष्ट्रिय संघको कार्यक्रममा बोल्दै नेपालले हावा कुरा गर्नेको पछि लाग्न नहुने जनाए । “राम्रो अनि बलियो सरकार ।
बलियो सरकार मात्रै भन्नुभयो भने कुकर्मी सरकार आइदिन्छ । राम्रो सरकार जति दिन बस्छ हिम्मतका साथ अघि बढ्छ,” नेपालले भने । उनले नेपाली राजनीतिको पहिलो समस्या चरम भ्रष्टाचार रहेको जनाए ।
त्यसपछि व्यक्तिवाद, गैरजिम्मेवार प्रवृत्ति, दूरगामी दृष्टिकोणको अभाव, कामको मूल्यांकन नगर्नेलगायत रहेको नेपालको धारणा छ । त्यस्तै, नेपालले पार्टीमा उत्साहित भएर अघि बढ्न आग्रह गरे । उनले आफू प्रधानमन्त्री हुँदा गरेको कामको प्रचार गर्न पनि निर्देशन दिए ।
